Empate e Goles en Vilalba

Gran partido o que se viu o pasado Sábado no pavillon de Vilalba, entre o equipo local, Peugeot Vilalba e o Ribeira F.S. Un encontro marcado polo número de goles e o cal rematou co empate a 7, con duas partes ben diferenciadas, na que os de Vilalba serian os que dominarian o primeiro tempo, para que a partires do descanso foran os de Ribeira os que levaran a iniciativa de xogo e ocasións.
O encontro iniciariase cun gol os 45 segundos por parte dos de Vilalba, cun tiro raso de fora da area. O Ribeira tardaria 5 minutos en empatar por medio de Paco e 2 minutos mais tarde, Paco poñeria o 1 a 2 no marcador. Parecia que o Ribeira empezaria a ter controlado o partido, pero 2 minutos mais tarde, un rexeite de Carlos, seria aproveitado con algo de fortuna por un xogador local, logo de varios rebotes, para facer o empate. O Peugeot estaba aproveitando moi ben as suas ocasións a contra e cun Ribeira moi fallón en ataque e en defensa, fallando tamen 2 dobres penaltis. A partires de aqui, e a falta de 6 minutos, virian os mellores momentos por parte dos de Vilalba, con 3 goles en 4 minutos que farian poñer as cousas moi dificiles co 5 a 2 no marcador. A falta de minuto e medio Borja de doble penalti, recortaria distancias co 5 a 3, co que remataria o primeiro tempo.
No inicio do segundo período o Ribeira saliu a por todas, e cunha presión a toda cancha, no minuto 5 Ismael recurtaria distancias dando emoción o encontro co 5 a 4. Minutos mais tarde, no 9, Paco empataria o encontro. O Ribeira queria aproveitar os peores momentos dos de Vilalba, e no minuto 14 Borja poñeria por diante novamente o equipo co 5 a 6. A partires de aqui, o equipo local, estiraria liñas, e conseguiría empatar o encontro a falta de 5 minutos, para que a falta de 3 minutos, cunha afición totalmente volcada co seu equipo, o Peugeot Vilalba conseguiria poñerse por diante novamente co 7 a 6. Quedaba moi pouco tempo de partido, e Manolo deu entrada a Ismael como porteiro xogador, froito do cal, Borja faria o empate a falta de minuto e medio para o final. Non se moveria o marcador e o encontro remataria cun xusto empate a 7 goles.

Manolo formou de inicio con Carlos (1), Paco (5), Borja (6), Ismael (7) e Kiko (14), actuando despois ao longo do partido I.Méndez (8), Donino (3), Felipe (10) e Iago (13).

Cun ambiente impresionante e mais de 200 personas nas gradas, dende o Ribeira queremos agradecer a afición e directiva vilalbesa o trato recibido en todo momento. Tamen agradecer a todas as persoas desplazadas a Vilalba, e animalos a presenciar o seguinte encontro do Ribeira F.S, que terá lugar o Sábado 28, as 17.15 horas, ca visita do Boqueixon F.S a Meira, un equipo que marcha quinto na taboa e que o ano pasado acadara o subcampeonato de liga.

Regreso a Meira e 3 puntos mais

O Ribeira F.S segue ca racha de resultados, logo de vencer no partido correspondente a 9ª xornada, ao C.P Casas, por 8 goles a 2, no encontro disputado no pavillon de Meira.
No inicio de partido xa se podia apreciar as intencions dun e outro equipo, cun Ribeira presionando en toda a cancha e un Casás esperando as suas oportunidades a contra. No minuto 3 Ismael inauguraría o marcador. Xa co Ribeira por diante, as ocasións foron continuadas e unhas veces os paos e outras a intervención do porteiro visitante, non fixeron que ata o minuto 15 se ampliara a ventaxa, co gol de Donino. Co 2 a 0 e ca sensación de levar unha renta corta acabaria o primeiro tempo.
A segunda metade empezaria de cara para os de Ribeira, co gol de Felipe nun mao a mao co porteiro visitante. No minuto 7, Ismael volveria marcar facendo un tranquilizante 4 a 0. Con este resultado e no minuto 9, o Casás intentaria a remontada arriesgando e dando entrada o porteiro xogador. Novamente Ismael no minuto 12 faria o 5 a 0. Un minuto mais tarde, no 13, recortaria distancias o Casás co 5 a 1. O equipo estaba a defender moi ben a superioridade en ataque do Casás. No minuto 15 Paco estreariase como goleador no partido, ao facer o 6 a 1 a porteria baleira. No minuto 17, Paco e Borja incrementarian a ventaxa con 2 goles seguidos. Xa no minuto 18 o Casás volvería a marcar facendo o 8 a 2 definitivo.

Manolo formou de inicio con Javi (23), Paco (5), Borja (6), Ismael (7) e Gerardo (8), actuando ao longo do partido Donino (3), Iago M. (8), Felipe (10) e Pablo (11).

Con este resultado o equipo afianzase no segundo posto da tabla, con 24 puntos e a 3 do Ventorrillo da Coruña, que non da tregua e segue contabilizando todos os partidos por victorias. O seguinte encontro, será un novo derbi como visitante, na dificilisima cancha do Peugeot Vilalba, na que ata o de agora ningún equipo foi capaz de gañar. O encontro será o Sábado 21 as 18.30 horas, no pavillon de Vilalba.

3 puntos no derradeiro minuto

Sufrida e merecida victoria a que conseguiu o Ribeira F.S na sua visita a Rianxo, no que o exceso de confianza e as ocasións desperdiciadas, a piques estiveron de cambiar o resultado do partido. Empezou o Ribeira ca sua tónica habitual de presion na cancha rival, e cun rival moi ordenado cun bon planteamiento a contra. Non seria ata o minuto 9 cando nun balón en longo , o Mexillon do Ouro faria o primeiro gol do partido. Ata ese momento non habia un dominador claro . Froito deste gol o Rianxo cederia a posesion do balón e 4 minutos mais tarde seria Borja o que conseguiria empatar o encontro. O Ribeira seguia dispoñendo de claras ocasións de gol desbaratadas polo porteiro local Alberto. Xa no minuto 17 Donino de dobre penalti poñería por primeira vez o noso equipo por diante, conseguindo o 1 a 2 co que remataria o primeiro tempo.
Na segunda parte, no minuto 4, Ismael faria o 1 a 3, poñendo certa tranquilide no marcador. Froito da relaxación e empuxe dos locais, nunha xogada aislada, os de rianxo conseguirian recortar distancias. Quedaban ainda 8 minutos por diante, cando novamente os de rianxo empatarian o encontro dun tiro de fora da area. O partido estabase poñendo costa arriba con moitas perdidas de balón. Nese momento, logo dun tempo morto, volveríamos a levar a iniciativa do partido e no minuto 15 Donino faria o 3 a 4. Ainda quedaba moito tempo, e o Rianxo conseguiria empatar o encontro no minuto 22. O Mexillon do Ouro volveuse replegar na sua area, conformandose co empate, e a insistencia do Ribeira fixo que a falta de minuto e medio Gerardo conseguira o gol da victoria., co 4 a 5 definitivo.

Manolo formou de inicio con Carlos (1), Donino (3), Paco (5), Ismael (7) e Kiko (14), actuando despois Borja (6), Gerardo (8), Iago (13), Felipe (10) e Pablo (11).

Logo desta victoria o equipo manten a segunda plaza con 21 puntos, a 3 do Ventorrillo que segue contabilizando os seus partidos por victorias. O seguinte partido será na casa, no pabellón de Meira diante do C.P.Casás, un equipo xoven e ben formado, que por nomes e calidade é un dos aspirantes a ocupar os postos altos da clasificación a finais de temporada. O encontro dará comenzo as 17 horas.

5ª Victoria consecutiva

O Ribeira F.S acadou unha nova victoria na casa, desta vez ante o Troula F.S de Betanzos, nunha xornada matinal que se disputou o Domingo no pavillón de Fonsagrada.
Comenzaria o encontro cun Troula moi replegado atrás e cun Ribeira moi entonado cunha presión asfixiante ao rival, fruto do cal Kiko no minuto 3 faria o 1 a 0, logo dunha media volta e un tiro moi forte que se colaria nas redes visitantes. Na pista solo existia o Ribeira que dispoñia unha e outra vez de innumerables ocasions, desbaratadas polo porteiro visitante Fernando, que tivo unha actuación espectacular. No minuto 13, e nunha xogada desafortunada, viria o segundo gol, froito dun gol en propia porta nun rebote con mala fortuna pra o Troula. A falta de 30 segundos pra o remate recurtaria distancias o Troula, cun tiro da fora da area, co que seria o 2 a 1 co que se marcharia ao descanso.
O inicio do segundo tempo seria cun xogo sin ocasións claras por ningun dos equipos. Aos 8 minutos nun tiro raso de fora da area Kiko faria o segundo gol na sua conta, poñendo o 3 a 1. 5 minutos mais tarde, no 13, Borja marcaria o 4 a 1. Neses intres seria cando o Troula poñeria en pista o porteiro xogador. Gerardo faria o 5 a 1 no minuto 15. O Troula recortaria distancias con 2 goles casi consecutivos no minuto 17 e 18, o cal daria algo de emoción ao final co 5 a3, pero xa a 2 minutos pra o final, novamente Gerardo poñeria o 6 a 3 definitivo.

Manolo formou de inicio con Javi (23), Borja (6), Ismael (7), Gerardo (8), Kiko (14), actuando despois ao longo do partido Paco (5), Donino (3), Mendez (9), Iago (13) e Pablo (11).

O Seguinte encontro se disputará en Rianxo, na pista do Loterias Mexillon do Ouro, actual e último campeón de liga.